Posts Tagged ‘Boycott’

Բոյկոտ ՎՏԲ բանկին

August 6, 2008

Մի քանի օր առաջ տարբեր նամակներ ստացա էկոլոգներից, որոնք կոչ էին անում բոյկոտ հայտատարարել Թեղուտի ավերները ֆինանսավորող ՎՏԲԱրմենիա բանկին: Սա միանշանակ պետք է իրականացվի` հաշվի առնելով նաև այն հանգամանքը, որ այս բանկը վերջերս փակել է իր մասնաճյուղը Լեռնային Ղարաբաղի մայրաքաղաք Ստեփանակերտում: Որոշ վերլուծաբանների կարծիքով, ՎՏԲի տերերի վրա լուրջ ճնշում է եղել ադրբեջանցիների կողմից: Վերջիններս ամեն կերպ փորձում են մեկուսացնել Արցախը` կոչ անելով բիզնեսմեններին դադարեցնել գործունեությունը Լեռնային Ղարաբաղի տարածքում: Եթե ՎՏԲի տերերին դա ձեռք է տալիս, ուրեմն պետք է այնպես անել, որ այս բանկն ընդհանրապես լքի Հայաստանի Հանրապետությունը` այս ռեժիմից կոպեկներով գնված Հայխնայբանկը հանձնելով մի որևէ բարեխիղճ սեփականատիրոջ, որը չի ենթարկվի աշխարհաքաղաքական խաղերի:

Դե ուրեմն, բոյկոտում ենք ՎՏԲին և քննարկում խնդիրն այս բլոգում:

Բոյկոտների նոր շրջան… ի ուրախություն տարբեր “կենդանիների”

August 6, 2008

Հարգելի ընթերցող, կարճատև դադարից հետո սկսում ենք բոյկոտների նոր շրջան: Առաջինն անդրադարձ կլինի ՎՏԲ-Արմենիա բանկի գործունեությանը, այնուհետև կթարմացվի վայ-բիզնեսմենների և “արվեստի” (ավելի ճիշտ` արհեստի) գործիչների ցուցակները:

“Բաղդադում” անհանգիստ է…

June 15, 2008

Ազնվորեն, չէի ցանկանում պատասխանել հայլուրի Տաթոյի հայտնի ռեպորտաժին: Սակայն ընկերնես ստիպեցին դա անել: սա պատասխանել չի, այլ պարզապես բարձրաձայն մտքեր և վերլուծություն, որոնք ցանկանում էի կիսել այս բլոգի այցելուների հետ:

Նախ շնորհակալություն եմ հայտնում Տաթոյից մի քանի հազար այցելու ունեցող բլոգը երեք միլիոնանոց լսարան ունեցող հանրայինով գովազդելու համար: Որքան փորձեց Տաթոն աղավաղել բոյկոտի էությունը, մի քանի անգամ ավելացած բլոգի այցելուները կարդացին և ծանոթացան բոյկոտի բուն շարժառիթներին: Տաթոյին երևի անհանգստացրել է ժողովրդավարության այս կղզյակի գոյությունը, ուր նույնիսկ ինքն իր ականջին հաճո քոմեթներ էր կարողացել գտնել և ցիտել:

Տաթոյի անդրադարձն այս բլոգին գալիս է ապացուցելու երկու բան.

1/ Այս նախաձեռնությունը շատ ցավոտ է եղել Տաթոյի, նրա տերերի և հայկական “շուու-բիզնեսի” համար;

2/Տաթոյի ձենը շուտվանից չկար, այսինքն հենց նա խոսում է, նշանակում է “Բաղդադում” հանգիստ չէ: Մոտ մեկ ամիս դեմոկրատիա խաղալուց հետո Հ1-ը վերադարձավ իր սովորական գործելաոճին` կեղծել, ստել, խեղաթյուրել, իսկ տաթոյի հետևից երևացին Ռոբի ականջները:

Տաթ ջան, հենց դու խոսեցիր, մուսաս կրկին այցելեց ինձ և ասաց, որ պայքարը քո նմանների` կեղծարարի, ստախոսի դեմ դառնում է պատվի խնդիր և այս բլոգը միտված է հենց նրան, որպեսզի տաթոները, շուշաններն ու սիրուշները, թոխատյաններն և վահրամսահակյաններն այլևս ամաչեն իրենք իրենց ասածից և արածից: Թոխատյանը ոնցոր թե արդեն ամաչում է…

P.S. Ժողովուրդ ջան, երկար ժամանակ չէի գրում ժամանակի սղության և քաղաքից բացակայելու պատճառով:

Բոյկոտի ցուցակ (նորացված 11.04.08)

April 6, 2008

Ինչպես հայտնի է, Հայաստանի հանրապետությունում վերջին տարիների ընթացքում տնտեսությունում գնում է մոնոպոլիզացման գրեթե անդառնալի գործընթաց: Մոնոպոլ բոլոր ոլորտներն օրեցօր, ամսե ամիս անցնում են իշխանությանը մոտ կանգնած օլիգարխներին, որոնցից շատերը պարզապես միայնշիրմաեն իշխանական վերնախավում գտնվող անձանց համար, քանի որ այդ բիզնեսներն իրականում մեծամասամբ կամ պատկանում են իշխանական վերնախավին, կամ էլ իշխանական վերնախավը եկամտաբեր գրեթե բոլոր բիզնեսներում ունի իր մասնաբաժինը: Ակնհայտ է նաև, որ անկախ Հայաստանի 16 ամյա պատմության ընթացքում կեղծիքներով անցկացված գրեթե բոլոր ընտրություններում հանրահայտ այդ օլիգարխներն ունեն իրենց մեղավորության աստիճանը: Փաստորեն նրանց` այդօրինակ գործողությունները բացասաբար են ազդել ՀՀ բնականոն զարգացման վրա, ինչը հասարակության կողմից ոչ մի հակազդեցության չի արժանացել: Սույն նախաձեռնությամբ մենք կոչ ենք Հայաստանի ազատամիտ բնակչությանը նրանց վրա ազդելու  և մեր բողոքի ձայնը տեղ հասցնելու համար չայցելել նրանց` ծառայություններ մատուցող օբյեկտները:

Սնունդ ձեռքբերելու և այլ տեսակի պահանջներ հոգալու համար մեր հայրենակիցներին կոչ ենք անում այցելել փոքր ձեռնարկատետերի կողմից բացված և շահագործվող առևտրի կենտրոններ և այլօբյեկտներ”: Սրանով լուծվում է ևս մեկ կարևոր հարց` խթանվում է փոքր և միջին ձեռնարկատիրությունը: Անճշտություններից խուսափելու համար չկա համակարգված ցուցակը: Այդ ընթացքում կարելի է առաջնորդվել այստեղ և նախորդ բաժնում եղած մեկնաբանություններով:  

Նոր նախաձեռնություն

April 1, 2008

Նախագահական վերջին ընտրություններից և դրան հաջորդած իրադարաձություններից հետո Հայաստանի Հանրապետությունը թևակոխեց իրավական պետության կառուցման կարևորագույն փուլ. մի կողմից աճում է ՀՀ քաղաքացու`իրավական պետություն ունենալու վճռականությունը, մյուս կողմից էլ ավելանում են իշխանությունների գործադրած ջանքերը` այդ վճռականությունը ճնշելու և իշխանությունն ամեն կերպ սեփական ձեռքերում պահելու համար: Քանի որ վերջին շրջանում պետական մարմինները փորձում են ՀՀ քաղաքացուն զրկել սեփական իրավունքները պաշտպանելու բոլոր հնարավորություններից, այդ թվում` խաղաղ հրապարակային միջոցառումների օգնությամբ, առաջարկվում է կիրառել առաջադեմ աշխարհի` քաղաքացիական դիրքորոշումն արտահայտելու հզորագույն միջոցներից մեկը` օգտագործել բոյկոտի “ինստիտուտը”: Օլիգարխների “օբեկտների”, այս ռեժիմին սատարած գործիչների մասնակցությամբ մշակութային միջացառումների և այդօրիանական բոյկոտային գործողությունները լավագույն միջոցներից է հասարակ քաղաքացու ձայնը լսելի դարձնելու համար: Այս բլոգն առաջարկում է քննարկումներ նախաձեռնել Հայաստանի Հանրապետությունում բոյկոտների շարք սկսելու ուղղությամբ: Առաջիկա օրերի ընթացքում Ձեզ կներկայացնենք մի քանի ծրագրեր, որոնց ինչքան շուտ լինի Ձեր արձագանքը և բոյկոտային գործողություններին մասնակցելու պատրաստակամությունը, այդքան շուտ Հայաստանի Հանրապետությունում կտեսնենք իրավական մթնոլորտ ստեղծելու մեր միասնկան գործողությունների հաջողությունը: Իսկ մինչ այդ Ձեզ ենք առաջարկում տեսակետներ հայտնել այս նախաձեռնության վերաբերյալ (խրախուսվում է կարծիքների զանանազանությունն ու ալտերնատիվային տարբերակները):