Մի քանի օր առաջ տարբեր նամակներ ստացա էկոլոգներից, որոնք կոչ էին անում բոյկոտ հայտատարարել Թեղուտի ավերները ֆինանսավորող ՎՏԲ-Արմենիա բանկին: Սա միանշանակ պետք է իրականացվի` հաշվի առնելով նաև այն հանգամանքը, որ այս բանկը վերջերս փակել է իր մասնաճյուղը Լեռնային Ղարաբաղի մայրաքաղաք Ստեփանակերտում: Որոշ վերլուծաբանների կարծիքով, ՎՏԲ-ի տերերի վրա լուրջ ճնշում է եղել ադրբեջանցիների կողմից: Վերջիններս ամեն կերպ փորձում են մեկուսացնել Արցախը` կոչ անելով բիզնեսմեններին դադարեցնել գործունեությունը Լեռնային Ղարաբաղի տարածքում: Եթե ՎՏԲ-ի տերերին դա ձեռք է տալիս, ուրեմն պետք է այնպես անել, որ այս բանկն ընդհանրապես լքի Հայաստանի Հանրապետությունը` այս ռեժիմից կոպեկներով գնված Հայխնայբանկը հանձնելով մի որևէ բարեխիղճ սեփականատիրոջ, որը չի ենթարկվի աշխարհաքաղաքական խաղերի:

Դե ուրեմն, բոյկոտում ենք ՎՏԲ-ին և քննարկում խնդիրն այս բլոգում:

Հարգելի ընթերցող, կարճատև դադարից հետո սկսում ենք բոյկոտների նոր շրջան: Առաջինն անդրադարձ կլինի ՎՏԲ-Արմենիա բանկի գործունեությանը, այնուհետև կթարմացվի վայ-բիզնեսմենների և “արվեստի” (ավելի ճիշտ` արհեստի) գործիչների ցուցակները:

Ազնվորեն, չէի ցանկանում պատասխանել հայլուրի Տաթոյի հայտնի ռեպորտաժին: Սակայն ընկերնես ստիպեցին դա անել: սա պատասխանել չի, այլ պարզապես բարձրաձայն մտքեր և վերլուծություն, որոնք ցանկանում էի կիսել այս բլոգի այցելուների հետ:

Նախ շնորհակալություն եմ հայտնում Տաթոյից մի քանի հազար այցելու ունեցող բլոգը երեք միլիոնանոց լսարան ունեցող հանրայինով գովազդելու համար: Որքան փորձեց Տաթոն աղավաղել բոյկոտի էությունը, մի քանի անգամ ավելացած բլոգի այցելուները կարդացին և ծանոթացան բոյկոտի բուն շարժառիթներին: Տաթոյին երևի անհանգստացրել է ժողովրդավարության այս կղզյակի գոյությունը, ուր նույնիսկ ինքն իր ականջին հաճո քոմեթներ էր կարողացել գտնել և ցիտել:

Տաթոյի անդրադարձն այս բլոգին գալիս է ապացուցելու երկու բան.

1/ Այս նախաձեռնությունը շատ ցավոտ է եղել Տաթոյի, նրա տերերի և հայկական “շուու-բիզնեսի” համար;

2/Տաթոյի ձենը շուտվանից չկար, այսինքն հենց նա խոսում է, նշանակում է “Բաղդադում” հանգիստ չէ: Մոտ մեկ ամիս դեմոկրատիա խաղալուց հետո Հ1-ը վերադարձավ իր սովորական գործելաոճին` կեղծել, ստել, խեղաթյուրել, իսկ տաթոյի հետևից երևացին Ռոբի ականջները:

Տաթ ջան, հենց դու խոսեցիր, մուսաս կրկին այցելեց ինձ և ասաց, որ պայքարը քո նմանների` կեղծարարի, ստախոսի դեմ դառնում է պատվի խնդիր և այս բլոգը միտված է հենց նրան, որպեսզի տաթոները, շուշաններն ու սիրուշները, թոխատյաններն և վահրամսահակյաններն այլևս ամաչեն իրենք իրենց ասածից և արածից: Թոխատյանը ոնցոր թե արդեն ամաչում է…

P.S. Ժողովուրդ ջան, երկար ժամանակ չէի գրում ժամանակի սղության և քաղաքից բացակայելու պատճառով:

Ձեռնարկը հաջողվեց և ասեմ, թե ինչու…

Շուրջ մեկ ամիս առաջ շատ մարդկանցից լսում էին, որ բոյկոտենք Սիրուշին Եվրատեսիլում` նախկինում իր կողմից ցուցաբերված պահվածքի մասին; Շատերը նաև նշում էին, որ Սիրուշի բոյկոտը խորհրդանշում է մեր “աստղերի” մեջ եղած արատավոր ամբողջությունը, որի դեմ պետք է կռիվ տալ: Ի վերջո այս բլոգը նախաձեռնեց քննարկումներ այս մասին; Եղան բոցաշունչ “ելույթներ” քոմենթների տեսքով` վայ, էս ինչ եք անում, բա մեր ազգը, բա Արարատը, բա մեր հայրենասիրությունը: Բայց բացի այս էմոցիաներից, գրեթե որ մի փաստարկված միտք: Ի վերջո, որոշվեց նախաձեռնել բոյկոտը, չնայած դրա ռիսկային լինելուն: Բոյկոտի հիմնական նպատակներից էր նաև կարծրացած կլիշեներ քանդելը, ինչը հատկապես երիտասարդությանը թույլ կտա ավելի ազատ մտածել և զերծ մնալ տարատեսակ բարդույթներից և նրանց մեջ չի ծագի այն միտքը, որ ոչինչ Սիրուշը թող գլխներիս …, բայց դե երկիր է ներկայացնում, էկեք քվեարկենք:

Եթե այս ձեռնարկը մի քանի հազար մարդու մտածելու տեղիք է տվել, իսկ դա այդպես է, ուրեմն այն հաջողվել է: Եվ պետք է փաստել, որ Սիրուշը բոլոր ռեյտինգներով հաղթում էր կամ երկրորդ տեղ գրավում, իսկ զբաղեցրեց 4-րդ տեղը: Արդյունքը մեծ է հենց նրա համար, որ արդեն այս վերջին շաբաթների ընթացքում բոցաշունչ քոմենթների հեղինակները փորձում էին գոնե ինչ-որ փաստարկեր բերել իրենց ճշմարտացիության համար: Ի վերջո, այսպիսի ճաքերը վերջում մեր ազգի վրայի փթած պատյանը մի կողմ կշպրտի և մենք կապրենք ավելի ազատ: Մի բան էլ. այստեղ այցելողների գրածներից, որոնք կոչ էին անում դադարեցնել բոյկոտը, տպավորություն էր ստեղծվում, որ պայքարում են ոչ թե մի փոքր բլոգում գրված քոմենթենրի դեմ, այլ մի մեծ մեքենայի, ասենք Հ1-ի: Բլոգը փաստորեն հաջողվել է, որ այդպիսի ընկալումներ կան:

Մի խոսքով, մի վախեցե’ք մեր մեջի արատավոր երևույթներից խոսել, և զանազան փղերը, ուզող չուզողները այլևս խոսելու բան չեն ունենա:

Այս բլոգը մեկ ամիս առաջ նախաձեռնեց Եվրատեսիլի բոյկոտ ակցիան: Այդ ժամանակ ամբողջ մեր եթերը լցված էր Սիրուշով և նրան հաղթանակ էին խոստանում: Կիսաեզրափակչից առաջ նրան VIVARO-ն 2-րդ տեղ էր խոստանում անմիջապես Ռուսաստանից հետո: Նաև այս նախաձեռնության շնորհիվ “աստղիկը” զբաղեցրեց 4-րդ հորիզոնականը, ինչը մի փոքր բլոգի համար մեծ արդյունք է: Արդյունքն, անշուշտ, կարող էր ավելի լավը լիներ: Մի բան պարզ է, պետք է աշխատել մեր ազգի հայրենասիրությունն ավելի արդյունավետ օգտագործել ի նպաստ մեր երկրի: Կեղծ հայրենասիրությունը միայն վնասներ կարող է բերել: Ինչևէ, այս նախաձեռնությունը մոտ ապագայում առիթ կլինի ամփոփելու արդեն թվերով:

Անցնենք ներհայաստանյան խնդիրներին…

Սիրուշն էլ միացավ բոյկոտին:))) Սա կատակ է, իրականում ցույց տվեց այն, ինչին ընդունակ է:

Իհարկե, շատ լավ կլիներ, եթե այս նախաձեռնությունը հաջողությամբ պսակվեր արդեն կիսաեզրափակիչում: Սակայն սա նոր նախաձեռնություն է և վճռական քայլը կանենք եզրափակիչում: Դեռ պարզ չեն արդյուքները: Չեմ զարմանա, որ Սիրուշոն հազիվ 10-րդ տեղով դուրս եկած լինի: Մեր նախաձեռնությունը քիչ էր մնում հաջողությամբ պսակվեր, քանի որ բոլորս ականատես եղանք մեր “աստղիկի” բղավոցներին և ղժժոցներին, ինչի մասին միահամուռ հայտարարում են մասնագետները, ինչպես նաև էժանագին ստրիպտիզային պարերի և բեմականացման, ինչն ամբողջությամբ կրկնօրինակում էր նախորդ տարիրենրի Հունաստանի և Մակեդոնայի երգչուհիների բեմականացումը: Այդ ամենը հերթական անգամ մեզ համոզում է մեր արդարացիության մեջ առ այն, որ Հայաստանի փոփ-արվեստում պատահական մարդիկ են` սկսած երգիչներից, ավարտած նրանց “ռասկրուտկա” անողներից: Խոսքիս ապացույցը երեկվա ելույթն ու բեմականացումը: Ս-ին մի քիչ օգնեց այն փաստը, որ մնացած երկրներն էլ մի առանձնապես չփայլեցին, ինչպես նաև այդ կիսաեզրափակիչում հանդես էր գալիս Ադրբեջանը:

Սակայն միևնույն ժամանակ Ս-ի եզրափակիչ դուրս գալը ունի մեկ առավելություն. շատերն ուղիղ եթերով կտեսնեն, թե այս կամ այն հայկական համայնքն ինչ վերաբերմունք ունի այս ամենի նկատմամբ: Ուստի կրկնապատկում ենք մեր ջանքերը և բոյկոտն իր ավարտին հասցնում մայիսի 24-ին:

Isk boycoti ardyunqner@ kerevan mayisi 24-in! Qnnarkeq ayn myus hodvatsneri tak!

Վերջին մեկ ամսվա քննարկումներից հետո ես եկա այն եզրակացության, որ Եվրատեսիլի բոյկոտը պետք է իրականություն դառնա: Այս նախաձեռնության հեղինակին բացի թուրք և ադրբեջանցի անվանելուց (50-ականներին ԱՄՆ-ում իշխող վարչակազմը կոմունիստ էր անվանում բոլոր նրանց, ովքեր չէին կիսում նրա տեսակետները: Այնպես որ սա ընդունված և նորմալ պրակտիկա է), այս բլոգի այլ այցելուներն արտահայտեցին իրենց կարծիքը, որը ես հարգում եմ: Բայց նրանցից գեթ մեկը այնպիսի կարծիք չարտահայտեց, որը հետ կպահեր այս ձեռնարկից: Նաև երկար սպասելուց հետո այդպես էլ մեր “աստղերը” չխոսեցին մարտիմեկյան դեպքերի մասին: Նրանք էլ, ով խոսեց, քիչ էր մնում ասեին, տեղնա, ինչ եղելա: Մեկ-երկու օրվա ընթացքում զարկ կտրվի սույն բոյկոտի վերջնական փուլին, որից հետո այս նախաձեռնության կողմնակիցներին կմնա տարածել այդ կոչը: Այն կլինի երեք լեզուներով, այնպես որ Սփյուռքն ամբողջությամբ կհասկանա մեզ:

Ասեմ, որ Սփյուռքում լուրջ արձաքանքներ կան, և որոշ մտքեր են արտահայտվում առ այն, որ ավելի լավ է քվերակելու այդ գումարն ուղարկել Մարտի մեկի զոհվածների և քաղբանտարկյալների ընտանիքներին: Որքան տեղեկացված եմ, այդ հաշվեհամարները շուտով կլինեն, համենայնդեպս դրա մասին որոշ բլոգեր արդեն գրել են, և ցանկացողները կարող են գումարը փոխանցել այդ հաշվեհամարներին: 

Ինչպես արդեն նախկինում այս բլոգում գրվել է, երկրում տիրող անառողջ մթնոլորտի համար մեղավոր են նաև մեր վայ “մտավորականներն” ու շոու-բիզնեսի ներկայացուցիչները, որոնք արդարության մասին խոսելու և ժողովրդի կողքին կանգնելու սկզբունքը փոխել են երկրիս “առաջնորդի” կողքին կանգնելու և իրենց բարեկեցիկ ապագան ապահովելու սկզբունքի հետ: Այս նախաձեռնությունը մտադիր էի անել մի փոքր ուշ, քանի որ ցանկություն կար լսել նույն այդ “մտավորականների” կարծիքը մարտիմեկյան իրադարձությունների վերաբերյալ, մասնավորապես, և հետընտրական գործընթացների վերաբերյալ, ընդհանրապես:

Սակայն այն, թե ինչեր էր երեկ մամուլի ասուլիսի ժամանակ ասում հայ երգի “դեսպան” Նունե Եսայանը, մարդու ուղղակի կարող է ծանր հոգեկան հիվանդությունների առաջ կանգնեցնել: Միայն այն ֆրազը, որ մարտի մեկին մարդիք իրենց մեղքով են զոհվել, քանի որ այնտեղ չպետք է լինեին, լրիվ տեղավորվում այսօրվա մեր իշխանությունների քաղաքականության մեջ` “մենք պետք է ասենք ՀՀ քաղաքացուն` դու որտեղ պետք է լինես, որտեղով քայլես և ինչպես մտածես…”:

Տարիներ շարունակ, սկսած 1992 թ., հայ պալատական “մտավորականները” երբեք չեն ենթարկվել ժողովրդի արժանի գնահատականին և քննադատական խոսքին, ոչ մի անգամ համախմբված չեն բոյկոտվել նրանց համերգները (լինի դա երկրի ներսում, թե նրա սահմաններից դուրս), շարունակվում են գնվել նրանց տեսա և ձայնասկավառակներն ու տեսաժապավենները: Ստորև առաջարկում ենք կազմել պալատական ձոներգուների ցուցակը և քննարկել այս խնդիրը: Առաջին համարի տակ, բնականաբար, գրվում է Նունե Եսայանի անունը:

1. Նունե Եսայան
2. Շուշան Պետրոսյան
3. Սիրուշո
4. Արամե
5. Հրանտ Թոխատյան
6. Ֆորշ
7. Սոֆի Մխեյան
8. Արա Երնջակյան
9. Աշոտ Ղազարյան
10. …

Վերջերս կարծիքներ են հնչում այն մասին, որ պետք է կոչ անել Եվրոպաներում գտնվող մեր հայրենակիցներին չքվեարկել Հայաստանը ներկայացնող Սիրուշոյի օգտին, դրանով իսկ մեր հայրենակիցներն իրենց համերաշխությունը կհայտնեն հայաստանցիների հետ` Հայաստանում տիրող անօրենությունների դեմ պայքարում: Դրան հակառակ կարծիքների համաձայն էլ, պետք չէ այդ քայլին դիմել և մեր խնդիրները հանել Եվրոպա: Սակայն Եվրոպա գնացող երկիրը էլ ում հետ պետք է քննարկի իր խնդիրները, եթե ոչ հենց նույն Հին Աշխարհի? Նաև ասում են, որ բոյկոտը կզգաստացնի մեր, այսպես կոչված “աստղերին”, որոնք կսթափվեն և ապագայում այս կամ այն իշխանավորի համար հրապարակներ լցնելուց առաջ մի քիչ գոնե կմտածեն (մեր աստղերի մեծամասնությունը երգում է իշխանությունների համար` հետագայում սեփական բարեկեցությունն ապահովելու համար, այլ ոչ թե քաղաքական դիրքորոշում արտահայտելու: Բացառություն է, երևի, Շուշան Պետրոսյանը): Ոմանք էլ պնդում են, որ Հայաստանում գտնվողները կարող են ընդհանրպես սմս-ներ չուղարկել, դրանով նրանք իրենց բողոքը կհայտնեն Հ1 հեռուստաընկերության բոլոր ապօրենությունների դեմ, քանի որ սմս-ներից ստացված հասույթը գնում է այդ հեռուստաընկերության գրպանը: Մի խոսքով, առաջարկում ենք քննարկումներ ծավալել` արժե, արդյոք, անտեսել Եվրատեսիլը և Հայաստանն այնտեղ ներկայացնող Սիրուշոյին, թե ոչ?

Ինչպես հայտնի է, Հայաստանի հանրապետությունում վերջին տարիների ընթացքում տնտեսությունում գնում է մոնոպոլիզացման գրեթե անդառնալի գործընթաց: Մոնոպոլ բոլոր ոլորտներն օրեցօր, ամսե ամիս անցնում են իշխանությանը մոտ կանգնած օլիգարխներին, որոնցից շատերը պարզապես միայն “շիրմա” են իշխանական վերնախավում գտնվող անձանց համար, քանի որ այդ բիզնեսներն իրականում մեծամասամբ կամ պատկանում են իշխանական վերնախավին, կամ էլ իշխանական վերնախավը եկամտաբեր գրեթե բոլոր բիզնեսներում ունի իր մասնաբաժինը: Ակնհայտ է նաև, որ անկախ Հայաստանի 16 ամյա պատմության ընթացքում կեղծիքներով անցկացված գրեթե բոլոր ընտրություններում հանրահայտ այդ օլիգարխներն ունեն իրենց մեղավորության աստիճանը: Փաստորեն նրանց` այդօրինակ գործողությունները բացասաբար են ազդել ՀՀ բնականոն զարգացման վրա, ինչը հասարակության կողմից ոչ մի հակազդեցության չի արժանացել: Սույն նախաձեռնությամբ մենք կոչ ենք Հայաստանի ազատամիտ բնակչությանը նրանց վրա ազդելու  և մեր բողոքի ձայնը տեղ հասցնելու համար չայցելել նրանց` ծառայություններ մատուցող օբյեկտները:

Նախագահական վերջին ընտրություններից և դրան հաջորդած իրադարաձություններից հետո Հայաստանի Հանրապետությունը թևակոխեց իրավական պետության կառուցման կարևորագույն փուլ. մի կողմից աճում է ՀՀ քաղաքացու`իրավական պետություն ունենալու վճռականությունը, մյուս կողմից էլ ավելանում են իշխանությունների գործադրած ջանքերը` այդ վճռականությունը ճնշելու և իշխանությունն ամեն կերպ սեփական ձեռքերում պահելու համար: Քանի որ վերջին շրջանում պետական մարմինները փորձում են ՀՀ քաղաքացուն զրկել սեփական իրավունքները պաշտպանելու բոլոր հնարավորություններից, այդ թվում` խաղաղ հրապարակային միջոցառումների օգնությամբ, առաջարկվում է կիրառել առաջադեմ աշխարհի` քաղաքացիական դիրքորոշումն արտահայտելու հզորագույն միջոցներից մեկը` օգտագործել բոյկոտի “ինստիտուտը”: Օլիգարխների “օբեկտների”, այս ռեժիմին սատարած գործիչների մասնակցությամբ մշակութային միջացառումների և այդօրիանական բոյկոտային գործողությունները լավագույն միջոցներից է հասարակ քաղաքացու ձայնը լսելի դարձնելու համար: Այս բլոգն առաջարկում է քննարկումներ նախաձեռնել Հայաստանի Հանրապետությունում բոյկոտների շարք սկսելու ուղղությամբ: Առաջիկա օրերի ընթացքում Ձեզ կներկայացնենք մի քանի ծրագրեր, որոնց ինչքան շուտ լինի Ձեր արձագանքը և բոյկոտային գործողություններին մասնակցելու պատրաստակամությունը, այդքան շուտ Հայաստանի Հանրապետությունում կտեսնենք իրավական մթնոլորտ ստեղծելու մեր միասնկան գործողությունների հաջողությունը: Իսկ մինչ այդ Ձեզ ենք առաջարկում տեսակետներ հայտնել այս նախաձեռնության վերաբերյալ (խրախուսվում է կարծիքների զանանազանությունն ու ալտերնատիվային տարբերակները):

Վերջին ամիսների լարվածությունը հանելու լավագույն առիթը ապրիլի մեկն է: Ուրախացե’ք մի քիչ…
01.03.200910.00 Այս գիշեր Ջորջ Բուշն ու Ջոն Մաքքեյնը, որն ԱՄՆ ԿԸՀ-ի կողմից տաս օր առաջ հռչակվել էր ԱՄՆ նախագահ, ցրել են Մետրոպոլիտեն Օպերայի դիմաց արդեն տասներորդ օրը Բարաք Օբամայի և նրա մի շարք արկածախնդիր կողմնակիցների նախաձեռնությամբ անցկացվող նստացույցը, որի ընթացքում վրաններից մեկում հայտնաբերվել է ՍՏԵԼՍ տեսակի ինքնաթիռ, ԱՊԱՉԻ տեսակի ուղղաթիռ, մի քանի տասնյակ հազարավոր օգտագործված պահպանակներ և այլն: Ինչպես հայտնում են Նյու-Յորքի կենտրոնական քաղմասից, բերման են ենթարկվել ցույցի մի շարք կազմակերպիչներ, այդ թվում միտինգներն ու երթերը վարող Լարի Քինգը (CNN-ի հայտնի մեկնաբան), որը սակայն մեզ հետ հեռախոսազրուցում հայտնեց, որ ձայնը կտրվել է և Միսիսիպի նահանգի Թեղուտ բնակավայրից բերված դոշաբը մի քանի օր խմելուց հետո խոստացավ նորից կապվել մեզ հետ:Շերիֆների փոխանցմամբ ստահոդ են այն լուրերը, թե Օբաման այժմ գտնվում է տնային կալանքի տակ: Նրանք միայն ավելացրեցին, որ երբ Օբաման հրաժարվել է լքել Մետրոպոլիտեն Օպերայի հրապարակը, Ջորջ Բուշի թիկնազորի հրամանատար Գրեգորի Սարգիսսոսը Օբամային տարել է վերջինիս առանձնատուն (մեր ունեցած տվյալներով ձեռքերը շղթայելու միջոցով) և նրա իսկ ապահովության համար մնացել է Օբամայի առանձնատանը և այս պահին նրա հետ Սոնի Փլեյստեյշն է խաղում:Շերիֆներն ավելացրեցին նաև, որ նրանք նստացույցը ցրելու մտադրություն չեն ունեցել: Սակայն առավոտյան 04.30-ին 42-րդ ավենյույում հայտնաբերել են մի փտած Ֆորդ, որը բեռնված է եղել Ստրատեգիա համակարգչային խաղի դիսկերով, որն, ըստ ամենայնի, պետք է բաժանվեր ցուցարարների մեջ, հաջորդ օրն իսկ Նյու-Յորքի փողոցներում անկարգություններ կազմակերպելու համար:11.00 Մեր ունեցած տվյալներով այժմ Նյու-Յորքի փողոցներում նկատվում է ոստիկանական մեքենաների կուտակում: Մեր թղթակցի համոզմամբ առավոտյան Մետրոպոլիտեն Օպերայի շրջակայքից քշված ցուցարարները հավաքվում են Հայաստանի դեսպանության շրջակայքում, հույս ունենալով, որ միայն այս երկրի դեսպանատան հարակից տարածքում նրանք իրենց ապահով կզգան:Մեկ այլ տվյալի համաձայն, այդ ցուցարարների մեջ նկատվել են Միչիգանի մաուսի, Ջերման Ռուբենսի, Լիֆ Սամյուելի, Միլ հաուսի Լյուիսի, ինչպես նաև նեգռերի մայլի Մհերի նյույորքյան բանդաների ներկայացուցիչները: Հավանաբար սրանք պատրաստվում են սադրիչի դեր խաղալ և հարձակվել Նյու-Յորքի քաղաքապետարանի, ինչպես նաև “Կարակասի տան” վրա: Այս պահին ընդհարում է գնում ԱՄՆ փոխոստիկանապետ պարոն Ալեգզանդեր Աֆյանի և նրա հետ եկած հատուկ ջոկատայինների ու Հայաստանի դեսպանության մոտ հավաքված ցուցարարների միջև: Մեզ հաղորդում են, որ հարևանությամբ գտնվող Էմպայր Ստեյթ բիլդինգի վրա վերանորոգման աշխատանքներ վարող բանվորները քարեր են շպրտում հատուկ ջոկատայինների վրա: Միսթր Աֆյանը փորձել է բանակցություններ վարել Օբամայի խնամի Դեյվիդ Դուգսնազարսոնի հետ, որպեսզի ցուցարարները տեղափոխվեն Ռոքֆելլեր ցենտրի մերձակա հրապարակ, հավանաբար այնտեղ միտինգը ցրելը հեշտ կլինի, սակայն ամեն ինչ անցել է ապարդյուն: 14.00 Այս պահին ցուցարարների առջև հայտվել է Ամերիկայի ժողովրդական կուսակցության առաջնորդ Ստեֆան Սմիթը (Դեմիրճյան), որը հայտարարեց, որ այն, ինչ անում է Բուշի վարչակազմը, անօրինական է, սակայն ցուցարարներն ամեն ինչ պետք է անեն սահմանադրության շրջանակներում: Այս հայտարարությունը մեծ դժգոհություն առաջացրեց միտինգավորների մոտ և նրանք պարոն Սմիթին խորհուրդ տվեցին գնալ թեյ խմելու: Հանկարծ Ադրբեջանի փողոցում հայտնվեց ռուսական արտադրության մի մեքենա և նրա միջից դուրս պրծավ Լարի Քինգը, որը չգիտես ինչպես էր ճողոպրել քաղմասից: Անմիջապես ցուցարարներն սկսեցին վանկարկել “Նաու, նաու, նաու” (հիմա-անգլերեն): Լարի Քինգը տեղեկացրեց, որ հենց նոր խոսել է Օբամայի հետ, որը ցուցարարներին հորդորել է չհեռանալ Հայաստանի դեսպանության մոտից, որն ամենաապահով տեղն է Նյու-Յորքում: Հարթակում է գտնվում նաև Քենեդու եղբայրը, որն անընդհատ վանկարկում է “Ամերիկացիներ ես Ձեզ սիրում եմ”: Հարթակում են նաև քաղաքացիական պատերազմի վետերանների միության ականավոր գործիչներ Սասում Միքայելյան ու Բուտչեր Մալխասյանը: Վերջինիս ձեռքին կա 55սմ երկարությամբ երկաթի ձող, որով հավանաբար նա պետական հեղաշրջում է կազմակերպում և այդ ձողը հատուկ նպատակի համար է պահել: Հարթակում է նաև ԱՄՆ ամենահարուստ մարդը` Բիլ Գեյտսը, որի վերջին ավտոմեքենան թիկնապահների հետ մեկտեղ տարվել է փոսի գայիի շտրաֆ ստայանկա:Լարի Քինգը ցուցարարներին խորհուրդ է տվել գետնի տակից հանել մետրոյի վագոնները և բարիկադներ սարքել: Ժողովուրդը հետևել է այդ հորդորին, և թունելից դուրս են բերվել Նյու-Յորքի մետրոպոլիտենի գրեթե բոլոր վագոնները: 22.00 Այս պահին Ամերիկայի հանրային հեռուստաընկերությամբ հանդես է գալիս Ամերիկայի անվտանգության խորհրդի նախագահ Հիլարի Քլինթոնը (նա անցած ընտրություններու հավաքել էր 15 տոկոս և զբաղեցրել էր երրորդ տեղը), որն Օբամային հայտարարել է շանտաժիստ: Իսկ նրա Օրինաց Ամերիկա և Ջոն Մաքքեյնի հանրապետական կուսակցության հետ ստորագրված դաշինքն, ըստ Քլինթոնի, թույլ կտա լուծել երկրի առջև ծառացած խնդիրները և, ամենակարևորը, վերադարձնել Բանկ օֆ Նյու-Յորթում ամերիկյան մեծ դեպրեսիայի ժամանակ (շուրջ 80 տարի առաջ) բնակչության սառեցված բոլոր խնայողությունները:20.30 Հայաստանի դեսպանության մոտ նկատվում է զորքերի մեծ կուտակումներ: Լսվում են պայթյուններ, կրակոցներ: Ինչպես մեզ նեց նոր հայտնեց ԱՄՆ գլխավոր դատախազության խոսնակ Սոնա Տռուզյանը, կրակոցներ չկան, դա դատախազության կողմից կազմակերպված հրավառությունն է, որպեսզի ցուցարարների տրամադրությունը չընկնի: Սոնա Տռուզյանը չհերքեց, որ զոհեր կան: Ըստ նրա, զոհերը մանթոյից են իրանք իրանց խփում են, քանի որ ԱՄՆ իրավապահները սադրանքների չեն գնում: 21.00 Այս պահին Ամերիկայի հանրային հեռուստատեսությամբ ելույթ է ունենում ԱՄՆ պետքարտուղար Քոնդոլիզա Ռայսը: Նա հայտնեց, որ եթե իրավիճակը շարունակի սրվել Նյու-Յորքում, ապա Ջորջ Բուշն ստիպված կլինի “լարված դրություն” մտցնել ԱՄՆ “սրտում”: Ռայսն իր խորը հիասթափությունը հայտնեց Օբամայի գործողություններից, ասելով, որ “Օբաման վոյեվե խոչընթոթի դեմ չկանգնեց իր նփաթաքին հասնելու համար: Առնվազն անբարոյականություն է, ըստ Ռայսի, այս պահին հանել Ֆլորիդան Կուբային հանձնելու Հայաստանի սենատոր Ռաֆիկ Պետրոսյանի ցրաքիրը, քանի որ ցրաքիրն անմիջապես մերժվել է Բուշի կողմից սեպտեմբերի 11-ից հետո”: 22.00 ԱՄՆ նախագահ Ջորջ Բուշի հրամանով Նյու-Յորքում մտցվել է “լարված դրություն”: Անջատվել է միակ անկախ ռադիոկայանը` Հայաստանի հանրային ռադիոն, չի գործում ինտերնետը: Այս պահին նախագահ Բուշն իր նստավայրում հանդիպում է իր կողմից սիրված լրագրողների հետ: Նա հայտնեց, որ ի սկզբանե Մետրոպոլիտեն օպերայի հրապարակում հավաքվել էին բոմժեր, նարկոմաններ, հարբեցողներ: Տաթևիկ Նալբանդյանի նախապես պատրաստված հարցին, թե այնուամենայնիվ հրապարակում կային ուսուցիչներ, դասախոսներ, արվեստագետներ, Բուշը տվեց արդեն իսկ պատրաստված պատասխանը` “ինչի բոմժ դասախոսներ չկան”: Մի 37-ին ես գիտեմ Վաշինգթոնի պետական համալսարանից, որոնք թղթեր էին ստորագրում երկրում կարգ ու կանոն հաստատելու համար: Ես իմ հետքռքիռ պատասխանը ունեմ նրանց`ՀԱՍՏԱՏՈՒ’Մ ԵՄ (վիզը ծռելով ժպտում է): 02.03.2009. 01.00 ԱՄՆ շտապ ուղարկվել է ՀՀ նախագահի հատուկ ներկայացուցիչ Հովիկ Աբրահամյանը, տեղում իրավիճակին ծանոթանալու համար: Սակայն պարոն Աբրահամյանին առավել քան տարօրինակ է թվացել այն փաստը, որ իրեն խուզարկում են Օբամայի տուն մտնելիս: Աբրահամյանը, ինքն իր հերթին, ցուցաբերել է տարօրինակ վարքագիծ և Երևանում մի քանի ժամ առաջ արված կոշտ հայտարարության փոխարեն, գովեստի խոսքեր է ասել ԿԸՀ-ի կողմից նախագահ հռչակված հանրապետական Ջոն Մաքքեյնին:
շարունակելի…